Ang aking ina
Ako ay mayroong Inang minamahal
Na di malimutan at paglilingkuran
Habang buhay, siya'y aking itatanghal
At ang aking dasal, ay siya'y maging tagumpay.
Ang pagkatao ko ay utang sa inang nagluwal sa akin
Ang laman ko't buto kahit na durugin
Ay hindi katumbas ng kanyang paggiliw
Siya'y lilingapin ng pagmamahal kong walang pagmamaliw.
Mulang pagsilang na ako'y iduyan
Sa bisig ng kanyang mga pagmamahal
Kahit ako'y tulog, laging pinagmamasdan
Para ang mga insekto ay hindi makalapit sa aking katawan.
Aking nabatid ang puhunang hirap
Sa akin si Ina'y, wala ng katumbas Kung ako'y maysakit, siya'y nagpupuyat
At di maiwalay sa akin ang malas.
