Ang kabutihang panlahat ang ninanais ng kahit anong gobyerno ng tao ngayon. Pero kailanman sa kasaysayan ay hindi ito nangyari kahit sa anong bansa. Ang dahilan ay hindi nilayon ng Maylalang na pamahalaan ng tao ang kanyang kapwa. Dapat sana ay umasa talaga sa Diyos ang mga tao. Pero simula pa lang ng kasaysayan ng tao, si Adan at Eva ay bigo na ito agad.
Dito sa Pilipinas, kailanma’t gustong paangatin ang kalidad ng pamumuhay ng mga mamamayan, lalo namang dumarami ang kawalan ng katarungan. Nagkakabaha-bahagi ang mga namumuno, mas lalong naging maimpluwensiya ang mga negosyante, at walang magawa ang pakialamerong simbahan. Ang totoo, ay inuulit lang ng kasasayan ang sarili nito. Ang desisyong ipanututupad ng isang pinuno ay sinasalungat ng maraming iba pa kaya nauudlot ito at hindi nagiging makatwiran.
Ilan lamang ang mga dahilang ito kung kayat mahirap talagang makamit ang kabutihang panlahat. Kung sa gobyerno ng tao lang aasa, magiging hanggang sa panaginip lang ang bagay na ito. Kaya anong solusyon? Supilin at palitan ang gobyerno ng tao!
