Narito muna ang kahulugan at layunin ng mapanuring pagsulat.
Ang mapanuring pagsulat ay may layunin na magpaunlad o manghamon ng mga konsepto o katuwiran tungkol sa isang paksa. Ang tono nito ay karaniwang impersonal at hindi ito emosyonal. Ang halimbawa ng tonong impersonal ay “Kailangang pagtuunan ng pansin ng mga mamamayang Pilipino ang kalinisan ng paligid.” Ang halimbawa naman ng tonong personal ay “Kailangan mong pagtuunan ng pansin ang kalinisan ng iyong paligid.”
Ang mapanuring pagsulat ay may batayan na mga datos – hindi lang ito base sa personal na pagsulat dahil may mga datos ito na ginagamit. Ito ay nangangailangan ng pananaliksik at masusing panunuri upang patunayan ang mga batayan ng mga katuwiran nito. Ito ay “objective” dahil batay ito sa pananaliksik at wala itong pagkiling. Ang mapanuring pagsulat ay batay sa katotohanan at hindi opinyon lamang.
Ang uri ng pagsulat nito ay madalas akademiko. Ang mapanuring pagsusulat ay may katuturan sa akademiya dahil ito ay nagbibigay ng kritikal at mapanuring kaalaman nang walang halong emosyon at pagkiling – ito ay kalikasan ng akademikong pagsulat. Bagkus, mga akademiko at propesyonal ang likas na target ng mapanuring pagsusulat.
Narito ang iba pang mga links na may kaugnay sa paksa:
