Pandarayuhan
Tawag sa pagtungo o pagdayo sa isang bayan o lugar ng isang tao o ng isang grupo ng mga tao. Maaaring sa kalapit - lugar o sa isang malayong bayan. Ang pagtigil sa lugar na iyon ay maaring pansamantala o permanente. Ito ay may dalawang uri. Ito rin ay bunga ng iba't - ibang kadahilanan.
Mga Dahilan ng Pandarayuhan:
- kalagayang pangkabuhayan
- kalamidad
- kawalan ng katahimikan
- kapayapaan at kaayusan
- edukasyon
Ang kahirapan ay isa sa mga dahilan kumbakit marami ang lumilipat sa ibang lugar mula sa kanilang bayang sinilangan. Ang pagnanais na magkaroon ng mas maayos na buhay ang pangunahing dahilan kumbakit nila iniiwan ang lugar na kinalakihan. Ang mas maraming bilang ng oportunidad sa siyudad ang karaniwang dahilan kumbakit sinisikap ng marami na marating ito at dito makipagsapalaran.
Ang kalamidad ay isa ring dahilan kumbakit lumilikas ang tao sa lugar na kanilang pinagmulan. Ang mga lugar na malapit sa bulkan, faultline, dagat, at iba pang anyong tubig ang kadalasang naaapektuhan ng mga kalamidad. Upang maging ligtas ay napipilitan silang lumikas at maghanap ng ibang matitirahan.
Ang kawalan ng katahimikan ay isa ring dahilan ng pandarayuhan. Kapag ang isang tao ay nakadama ng panganib sa lugar na kanyang tinitirahan, maghahanap ito ng ibang ligar na mapupuntahan upang magkaroon ng katahimikan at mabuhay ng mapayapa.
Ang kapayapaaan at kaayusan ay isa sa mga dahilan kumbakit maraming tao ang nais manatili sa isang lugar. Ang mga ito ay hindi kusang nakukuha o nabibili ng salapi. Sa oras na makaramdam ang tao ng kapayapaan at makaranas ng maayos na sistema sa lugar na ito, nagpapasya silang dito na lamang manirahan.
Ang edukasyon ay isa sa mga malawakang dahilan kumbakit nagkakaroon ng pandarayuhan. Maraming kabataan ang nakikilahok sa mga exchange programs upang maranasan ang mamuhay ng mag - isa at makapag - aral sa paaralang nais nila.
Ano ang pandarayuhan: https://brainly.ph/question/22527
#LearnWithBrainly
