Tayain Natin A. Panuto: Basahin at unawaing mabuti ang mga sumusunod na katanungan. Bilugan ang letra ng tamang sagot. 1. Ano ang magiging epekto ng hindi maayos na kalsada, tulay, at iba pang imprastraktura sa mga sa gawaing pangkabuhayan ng bansa? A. Malaki ang kikitain ng mga magsasaka at mangingisda. B. Mapapabilis ang paglago ng inaangkat na mga produkto. C. Mapapadali ang pag-angkat ng mga produkto papunta sa iba’t-ibang bayan. D. Napapabagal ang transportasyon ng mga produkto kung kaya’t hindi mapaabot sa merkado ang mga sariwang gulay at isda. 2. Alin sa mga sumusunod na pangungusap ang hamon sa gawaing pangkabuhayan ng magsasaka? A. Paggamit ng mga makabagong teknolohiya para mapabilis ang produksiyon. B. Limitadong pondo na pinagkaloob ng pamahalaan bilang tulong sa maliliit na magsasaka. C. Impormasyon sa mga bagong pag-aaral at pananaliksik upang gumanda ang ani at dumami ang produksiyon. D. Paghikayat sa mga OFW na mamuhunan sa pagsasaka at linangin ang mga lupain sa kani-kanilang mga probinsiya. 3. Paano nakatutulong ang mga oportunidad na dumarating para sa gawaing pangkabuhayan ng bansa? A. Lumalaki ang mga produktong agrikultural ng bansa. B. Nakakaiwas sa mga sakunang dumarating sa bansa. C. Pagdami ng angkat na produkto ng magsasaka at mangingisda. D. Nakapagbibigay ng pagkakataon upang lalong mapaunlad ang mga gawaing pangkabuhayan at ekonomiya ng bansa. 4. Alin sa mga pangungusap ang maituturing na isa sa matinding hamon na nararanasan ng ating mga mangingisda? A. Pagkakaroon ng makabagong kagamitan sa pangingisda. B. Pagkakaroon ng climate change o pagbabago ng klima sa mundo. C. Pagpapatayo ng planta ng yelo para imbakan ng mga nahuling isda. D. Paglunsad ng mga programang nakatutulong sa industriya ng mga mangingisda.​