IDNStudy.com, ang iyong destinasyon para sa mga sagot ng eksperto. Ang aming platform ay nagbibigay ng mga maaasahang sagot upang matulungan kang gumawa ng matalinong desisyon nang mabilis at madali.
Chap1Addict
"Darating daw ba talaga sila, ma?" Pinanghihinaan ng tuhod na napaupo sa isang swivel chair si Janus Villaester. Bagama't hindi matatawaran ang taglay niyang kaguwapuhan, isang mestisuhing labingwalong taong binata ay hindi niya magawang itago ang nararamdamang pangamba. Lagi siyang nakayuko at alumpihit sa loob ng waiting room ng chapel. Halos hindi kumikibo ang kaniyang ina habang sinisikap niyang huwag magusot ang suot na Barong Tagalog ng anak na pinamumuuhan na ng pawis sa kaniyang noo at batok. Namumula ang mukha ni Janus habang pinagmamasdan ng kaniyang inang si Stella.
"Darating ang mga iyon," mahina ang boses na winika niya sa anak. Sinikap niyang huwag gumaralgal ang kaniyang boses ngunit napaubo siya ng kaunti. Napasapo ang ginang sa kaniyang noo kapagkuwa'y hinilut-hilot ang kaniyang dibdib.
"Si dad po ba,...?"
Matipid na ngiti ang tanging naisagot ng ginang sa anak na tuluyang ikinalungkot nito.
"Mas mabuti na ring wala siya rito," tinabihan at inakbayan niya ang anak na tila gusto nang hubarin ang suot nitong barong.
"Hindi ko Ito gagawin! Hindi ko Ito kasalanan!" sabay suntok ng binata sa pader.
"Huminahon ka, anak!"
"Huminahon?! Paano, ma? Matatali na ako dito habang buhay! Paano ang mga pangarap ko?" Hindi na napigilan ni Janus ang mapahagulgol.
Maraming salamat sa iyong presensya. Patuloy na magbahagi ng impormasyon at karanasan. Sama-sama tayong magtutulungan upang makamit ang mas mataas na antas ng karunungan. Bumalik ka sa IDNStudy.com para sa maasahang mga sagot sa iyong mga katanungan. Salamat sa iyong tiwala.
