Answered

IDNStudy.com, ang iyong platform ng sanggunian para sa eksaktong mga sagot. Magtanong ng anumang bagay at makatanggap ng kumpleto at eksaktong sagot mula sa aming komunidad ng mga propesyonal.

anong ibig sabihin ng pangatnig

Sagot :

Nhichyidn

Ang pangatnig o conjunction sa wikang Ingles ay isang kataga o salita na nag-uugnay sa dalawang salita, parirala, sugnay o pangungusap.

Halimbawa ng Pangatnig:

  • at
  • o
  • habang
  • ni
  • pero
  • subalit
  • ngunit
  • datapwat
  • sapagkat
  • kundi
  • bagamat
  • sana
  • kaya
  • kapag
  • kung
  • maging
  • dahil
  • kasi
  • pati
  • maliban
  • kung saan
  • samantala
  • kung gayon
  • kung kaya

Mga Uri ng Pangatnig:

1. Pangatnig na Panimbang – ito ay nag-uugnay ng dalawang salita, parirala o sugnay. (at, saka, pati, ngunit, maging, datapuwat, subalit)

Halimbawa:

  • Pupunta sana si Marie sa SM, ngunit nalimutan niyang dalhin ang kanyang pitaka.

2. Pangatnig na Pantulong – ito ay ang uri na nag-uugnay ng di-magkapantay na salita, parirala o sugnay. (kung, kapag, upang, para, nang, sapagkat, dahil, sa)

Halimbawa:

  • Bibigyan ako ng baon ni nanay kapag natapos ko nang linisin ang aking kwarto.

3. Pangatnig na Pamukod – ito ay ginagamit sa pagbukod o pagtatangi, gaya ng: (o, ni, maging, at man).

Halimbawa:

  • Maging ang presidente ay hindi sang-ayon sa sinabi ng senador.

4. Pangatnig na Panubali – ito ay nagsasabi ng pag-aalinlangan, gaya ng: (kung, kapag, pag, sakali, disin sana)

Halimbawa:

  • Hindi na matutuloy ang aming gala kung bumagyo.

5. Pangatnig na Paninsay – ito ay ang pangatnig kung saan sinasalungat ng unang bahagi ng pangungusap ang ikalawang bahagi nito.

Halimbawa:

  • Siya pa rin ang mananalo sa patimpalak kahit na marami ang may ayaw sa kanya.

6. Pangatnig na Pananhi – ito ay nagbibigay ng dahilan o katuwiran para sa pagkaganap ng kilos.

Halimbawa:

  • Bumaha sa bahay namin sapagkat walang tigil ang pag-ulan.

7. Pangatnig na Panapos – ito ay nagsasabi ng nalalapit na katapusan ng pagsasalita.

Halimbawa:

  • Sa nangyayari sa ating bayan, dapat lahat tayo ay magkaisa!

8. Pangatnig na Panlinaw – ito ay ginagamit upang ipaliwanag ang bahagi o kabuuan ng isang banggit.

Halimbawa:

  • Nahanap na ang kanyang nawawalang cellphone kaya makakahinga na siya nang maluwag.

9. Pangatnig na Pamanggit – ito ay gumagaya o nagsasabi lamang ng iba, tulad ng: (daw, raw, di umano)

Halimbawa:

  • Si Olivia na daw ang magbabayad ng kinainan namin.

10. Pangatnig na Panulad – ito ay tumutulad ng mga pangyayari o gawa, tulad ng: (kung sino…siyang, kung ano…siya rin)

Halimbawa:

  • Kung sino ang unang makapagbigay ng pangungusap ay siyang mananalo sa larong ito.

#CarryOnLearning

Ang iyong aktibong pakikilahok ay mahalaga sa amin. Magpatuloy sa pagtatanong at pagbahagi ng iyong nalalaman. Sama-sama tayong lumikha ng isang mas matibay na samahan. Salamat sa pagpili sa IDNStudy.com. Umaasa kami na makita ka ulit para sa mas maraming solusyon.