Answered

Sumali sa IDNStudy.com at tuklasin ang komunidad ng pagbabahagi ng kaalaman. Alamin ang mga detalyadong sagot mula sa mga bihasang miyembro ng aming komunidad na sumasaklaw sa iba't ibang paksa para sa lahat ng iyong pangangailangan.

halimbawa ng idyoma at mga pangungusap

Sagot :

Misspancitcantonidn

Halimbawa ng Idyoma at Mga Pangungusap

  • Bukas ang palad ng kanilang pamilya sa mga mahihirap kaya sila ay lalong pinagpapala.

  • Napag-usapan namin na ibaon sa hukay ang mga masamang nangyari at magsimula muli.

  • Usad-pagong ang ekonomiya ng ating bansa dahil sa pandemya.

  • Bakit amoy-tsiko ka na naman?

  • Iwasan mo na ang mga taong iyon na ang hanap ay basag-ulo.

Kahulugan ng Idyoma

Ang idyoma ay kilala din sa tawag na sawikain. Ito ay tumutukoy sa salita o parirala na patalinghaga. Ang kahulugan ng mga ito ay hindi tuwirang pinapahayag. Nakatago ang ibig sabihin ng mga ito sa mga salitang ginamit. Kadalasang ginagamit ang mga ito upang mabigyang-diin ang nais ipahayag sa pangungusap.

Bumalik tayo sa mga pangungusap sa itaas. Ang mga salita o parirala na nakasulat nang pahilis ang mga halimbawa ng idyoma. Narito ang kanilang kahulugan:

  • bukas ang palad - matulungin
  • ibaon sa hukay - kalimutan
  • usad-pagong - mabagal
  • amoy-tsiko - lasing
  • basag-ulo - away

Mga Halimbawa ng Idyoma

Bukod sa mga nabanggit sa itaas, narito pa ang ilang halimbawa ng idyoma at kanilang kahulugan:

  • balitang kutsero - di totoong balita
  • bukas na kaban - mapagkawanggawa
  • bulang-gugo - galante
  • di makabasag pinggan - mahinhin
  • galit sa pera - gastador
  • itaga sa bato - tandaan
  • kapit tuko - mahigpit ang hawak
  • kumukulo ang dugo - naiinis
  • laylay ang balikat - bigong-bigo
  • lahing kuwago - sa umaga natutulog
  • lumagay sa tahimik - nagpakasal

Karagdagang halimbawa ng idyoma at mga pangungusap:

https://brainly.ph/question/2760393

#LearnWithBrainly

Salamat sa iyong pakikilahok. Patuloy na magbahagi ng iyong mga ideya at kasagutan. Ang iyong ambag ay napakahalaga sa aming komunidad. Sa IDNStudy.com, kami ay nangako na magbigay ng pinakamahusay na mga sagot. Salamat at sa muling pagkikita.