Kahulugan ng Salitang-Ugat
Ang salitang-ugat ay tumutukoy sa mga salitang buo ang kilos. Ito ay nakapag-iisa at kahit nag-iisa ay nakapaglalahad ng isang ideya. Ito rin ang mga salita na nilalagyan ng mga panlapi upang makabuo ng ibang salita. Narito ang ilang halimbawa ng salitang-ugat:
- sulat
- sayaw
- awit
- lakad
- basa
- laba
- hirap
- takbo
- buhat
- bagal
- bilis
- bango
- kahon
Ano ang panlapi?
Ang panlapi ay ang kataga na ikinakabit o idinaragdag sa salitang-ugat. Ito ay maiikli lamang at hindi nakapag-iisa. Ang panlapi ay may limang uri. Ang mga uri nito ay ayon sa posisyon ng pagkakadagdag sa salita. Alamin sa ibaba ang iba't ibang uri at halimbawa nito.
1. Unlapi - Ito ang panlapi na matatagpuan sa unahan ng salitang-ugat. Ang ilang halimbawa nito ay mag-, pag-, nag-, ma- at pa-.
- maglakad
- pagsayaw
- naglaba
- mabilis
- pabuhat
2. Gitlapi - Ito naman ay idinaragdag sa loob ng salita. Ilang halimbawa nito ay -um- at -in-.
- sumulat
- kinain
- tumakbo
- sinagot
3. Hulapi - Ito ay ikinakabit sa hulihan ng salita. Ilang halimbawa nito ay -in, -an, -hin at -han.
- basahin
- kantahan
- aralin
- talaan
4. Kabilaan - Ito naman ay tumutukoy sa panlapi na ikinakabit sa unahan at hulihan ng salita.
- nag-awitan
- magbatuhan
- pagsabihan
5. Laguhan - Ang panlapi naman ay matatagpuan sa unahan, gitna at hulihan ng salitang-ugat.
- pagsumikapan
- ipagsumigawan
Karagdagang halimbawa ng mga uri ng panlapi:
https://brainly.ph/question/440957
#LearnWithBrainly
