Ang Homo erectus ay kilala bilang ang pinakaunang mga tao na nagkaroon ng mga parte ng katawan na malapit sa estruktura ng mga tao ngayon. Mahahaba ang kanilang mga paa, may kaiksian ang mga braso kung ikukumpara sa punugkatawan. Ang mga katangian nilang ito ay nagamit nila upang mag-adapt sa bagong uri ng pamumuhay nila sa lupa. Natuto na silang maglakad ng nakatayo upang mas mainam na makapaglakbay at makahuli ng mga pagkain. Sila ay may laking 4 na talampalakan at 9 na pulgada(145-185 cm) at bigat na 88-150 pounds (40-68 kilo).
