Answered

IDNStudy.com, kung saan ang iyong mga tanong ay natutugunan ng mga maaasahang sagot. Magtanong ng anumang bagay at makatanggap ng detalyadong sagot mula sa aming komunidad ng mga eksperto.

Ang ibig sabihin ng salitang ugat nito ay tigil ngunit dahil kinakabitan na ito ng hulapi,ito ay nangangahulugan na ng tirahan ng isang pamilya.ano ito?

Sagot :

Jlmsalamat8234idn

Answer:

PALAISIPAN: SALITANG UGAT AT PANLAPI

Sagot:

Ang tamang sagot ay TAHANAN.

Paliwanag:

Ang salitang ugat ay TAHAN. Ang ibig sabihin ng salitang "tahan" ay "tigil" lalo na sa pag-iyak. Halimbawa: "Tahan na, anak. Huwag ka nang umiyak." Marahil na sinabi ito ng isang magulang sa kanyang anak na umiiyak dahil sa labis na kalungkutan na kanyang nararamdaman.

Kapag idinugtong ang panlaping "-an" sa hulihang bahagi ng salitang ugat na "tahan", ang bagong salitang mabubuo ay TAHANAN. Ang ibig sabihin ng "tahanan" ay bahay o tirahan ng isang mag-anak o pamilya.

Ang panlaping "-an" ay maituturing na HULAPI dahil ito ay idinugtong sa hulihang bahagi ng salitang ugat.

MGA KAYARIAN NG PANLAPI

UNLAPI = tawag sa mga panlaping ikinakabit sa unahang bahagi ng salitang ugat. Halimbawa, ang salitang "nag-aral" ay may panlaping "nag-" na ikinabit sa unahan ng salitang ugay na "aral".

GITLAPI = tawag sa mga panlaping ikinakabit sa gitna ng salitang ugat. Halimbawa, ang salitang "kumain" ay may panlaping "-um-" na isiningit sa gitna ng salitang ugat na "kain".

HULAPI = tawag sa mga panlaping ikinakabit sa hulihang bahagi ng salitang ugat. Halimbawa, ang salitang "sayawin" ay may panlaping "-in" na idinugtong sa hulihang bahagi ng salitang ugat na "sayaw".

Explanation:

Salamat sa iyong presensya. Patuloy na magbahagi ng impormasyon at karanasan. Ang iyong kaalaman ay mahalaga sa ating komunidad. Para sa mabilis at maasahang mga sagot, bisitahin ang IDNStudy.com. Nandito kami upang tumulong sa iyo.