Ang Monopolyo ng Tabako ay isang programang pang-ekonomiya na pinasinayaan ni Jose Basco y Vargas noong 1782, labinlimang taon makalipas na ipakilala sa Pilipinas ang sistemang monopolyo. Ang programang ito ay nangangahulugan na ang pagtatanim, pag-aani at pangangalakal ng tabako ay nasa mahigpit na pangangalaga at kontrol ng pamahalaan – isang pamamaraan upang matiyak at mapanatiling malaki ang salaping pumapasok sa Espanya.
