IDNStudy.com, ang iyong mapagkukunan para sa mga sagot ng eksperto. Ang aming komunidad ay handang magbigay ng malalim at maaasahang mga sagot, anuman ang kahirapan ng iyong mga katanungan.
Answer:
Mituwak na tuod ang uwan ug gianinaw ko
Ang kagabhion nga miasdang sa among lungsod.
Sa akong gipasilongan dinhi sa payag pahuwayan
Taliwa sa kabungturan, nakita kong gihiwa ang daang
Mangga sa dakong kilat nga mikanap sa kasadpan,
Gigukod sa nagdagan nga daugdog sa kasingkasing
Sa diwata sa kalikopan nga mibati’g kakulba-hinam
Sa panag-tagbo sa alisngaw sa huwaw ug sa bunok
Sa uwan, dala sa amihan karong ikasiyam nga buwan
Sa akong pagbalik sa akong naandan nga pinulongan.
II.
Mopauli ko sa akong banay, dala kining bungahoy
Gikan sa bukid nga akong gitamnan ug kalian-laing
Kahibulongang kahoy nga akong nahimamat dihang
Milangyaw sa ubang dapit sa gatuyok nga kalibotan:
Maalimyong peras, lunhaw ug lipaghong ang aping,
Masidlakong limon, dalag ug makapapas sa kauhaw
Sa ting-init. Tadlason ko ang karaang sementeryo
Diin ang akong kaliwat gapahuway sa kagabhion.
Dili nako sila pukawon sa ilang hingpit nga katulog,
Kay sama nila, lumalabay usab ako ning kalibutana.
Explanation: