Ang SONA ay ang State of the Nation Address. Ito ay naglalaman ng mga nagawa ng administrasyon ng Pangulo sa nakaraang taon. Ang unang SONA ng nahalal na Pangulo ay pagpapahayag lamang ng mga programa sa kanyang termino bilang Pangulo.
Ang kauna-unahang SONA ng isang Pangulo ng Pilipinas ay ihahayag niya sa pagbubukas ng Kongreso. Ito ay wala pang isang buwan mula ng pag-upo ng nahalal na Pangulo. (Hunyo 30 ang unang araw bilang Pangulo, at ang pagbubukas naman ng Kongreso ay ika-apat na Lunes ng Hulyo).
Kung ako ang magiging Pangulo, ang mga ipapahayag ko sa aking SONA ay ang pagpapatupad o pagkukumbinsi sa mga mamababatas na gumagawa ng batas tungkol sa mga sumusunod:
1) Epektibong mass transport.
2) Mahigpit na pagbabawal ng pagkakaroon ng sasakyang o mahigit sa isang sasakyan kung walang sariling garahe at ipaparada lamang sa mga kalye ang mga sasakyan, na magdudulot ng trapiko, o wala ng dadaanan ang mga pedestrian.
3) Pag reregulate ng pag-aari ng mga baril, mahigpit na psychological test sa mga gustong magkaroon ng lisensiya na magkaroon ng baril.
4) mahigpit na pagsasakatuparan ng mga batas tungkol sa pangangalaga ng kapaligiran.
5) Day Care center sa mga opisina para sa mga empleyadong babaeng may mga anak na 4 years old and below.
6) Modernisadong Armed Forces of the Philippines upang maging mas handa sa panahong ang palawakin pa ng China ang claims sa West Philippine Seas.
7) Mas malaking suweldo at benepisyo sa mga kawani ng gobyerno, PERO mas mahigpit na kwalipikasyon sa mga nais na maging public servant.
8) Mahigpit na pagpapatupad ng mga batas sa prevention ng Graft and Corruption.
9) I-retire ang kapulisan na mahigit ng labinlima o sampung taon sa serbisyo at palitan ng mga bagong henerasyon na dumaan sa mas matinding training.
10) Walang maglalagay ng mukha ng pulitiko sa anumang anunsiyo tungkol sa proyektong sa buwis ng bayan manggagaling ang pondo.
