Panuto: Basahin at unawain ang sitwasyon na nasa ibaba. Matapos nito ay sagutin ang tanong na nasa ibaba.
Masalimuot ang buhay ayon kay Pedro. Siya ang panganay sa limang magkakapatid. Iniwan sila ng
kanyang ama nuong siya ay sampung taong gulang pa lamang. Ang kanyang ina ay itinataguyod sila sa
paglalabada.
Nuong siya ay labing isang taong gulang na ay nasangkot ang kanyang ina sa isang kaso at ito'y ikinulong.
Napilitang makitira si Pedro kasama ang kanyang mga kapatid sa kanilang kamag-anak. Ngunit hindi naging
madali para sa kaniya ang makisama sa mga ito at tumigil siya sa pag-aaral.
Lumapit siya sa kanyang kaibigan at humingi ng tulong upang magkaroon ng pera para sa kanyang mga
kapatid at upang makabalik sa pag-aaral. Niyaya siya nitong mag benta ng droga, nag-alangan pa siya sa simula
ngunit sa kapipilit ng kaibigan ay pumayag din siya. Kalaunan ay gumamit na rin siya ng droga at ito ang simula
ng pagkalulong niya rito. Nalimutan na niya ang kanyang pag-aaral at inisip na ito ang pinaka mainam na paraan
upang makaiwas sa mga suliranin sa buhay.
1. Anong uri ng paglabag sa paggalang sa buhay ang ipinakita sa pahayag?
2. Ano ang iyong naramdaman o reaksyon matapos basahin ang sitwasyon?
3. Sa iyong palagay, ano ang nararapat na maging pasiya ni Pedro?​