Panuto: Tukuyin kung ang mga sumusunod na pahayag ay katangian ng ideolohiyang Demokrasya, Sosyalismo at komunismo. Isulat lamang ang tilik ng tamang sagot sa patlang.

A. DEMOKRASYA
B. SOSYALISMO
C. KOMUNISMO

1. Isang ideolohiya na sumusuporta sa pagtatag ng organisasyon pangsosyal na walang estado at kaanta-antas batay sa pantay na laki sa gamit ng produksyon.

2. Ang mga mamamayan ay namimili o naghahalal ng kanilang magiging kinatawan sa mga gawaing pampamahalaan.

3. Kapag ang mga mamamayan o mga taong nasasakupan ay malayang naipapahayag ang kanilang mga saloobin at opinyon.

4. Ang pasya ng nakararami ang nananaig para sa lahat.

5. Ito ay isang sistema kung saan pagmamay-ari at kontrolado ng pamahalaan ang sangkap ng produksyon.

6. Isang lipunan na pantay-pantay ang lahat ng tao, walang mayaman o mahirap, makapangyarihan o taga-sunod.

7. Ang isang bansa o lugar ay binibigyan ng pantay na karapatan at pagkakataon sa lahat ng tao, mayaman man o mahirap, malusog o may sakit, kilala o hindi.

8. Walang taong nangingibabaw sa batas. Lahat ay pantay-pantay sa ilalim ng batas maging anuman ang katayuan ng tao sa buhay.

9. Sa teorya ng Marxismo, ito ay makasaysayang produkto ng tunggalian ng uring proletaryo at ng naghaharing burgesya.

10. Pag-aari ng buong lipunan ang mga kagamitan sa produksyon.

11. Ang mga tao ay may kalayaang gawin kung ano ang gustong gawin katulad ng pag-aari ng mga lupain, pagpapatakbo ng sariling negosyo, pagpuna sa mga katiwaliang nangyayari.

12. Ang lahat ng kasapi ay sumasali sa lahat ng gawaing politikal at nakikilahok sa pagtatalakay ng mga iba't ibang usapin.​