Answer:
KWENTONG BAYAN – Sa paksang ito, ating tatalakayin kung ano nga ba ang iba’t-ibang mga elemento ng kwentong bayan at ang mga halimbawa nito.
Ang mga kwentong bayan ay mga kwentong naglalaman ng mga karanasan, mito, paniniwala, at tradisyon ng ating mga ninuno. Sa Pilipinas, ang sa bawat isla nito, ang mga lokal ay mayroong kani-kanilang bersiyong ng kwentong bayan.
Bukod dito, ang mga kwentong bayan ay kadalasang kaugnay sa isang espesipikong lugar o rehiyon. Pero, katulad lamang ng iba pang mga kwento, ang kwentong bayan ay mayroon ring mga elemento na makikita sa lahat ng mga halimbawa nito.
Ang mga elementong ito ay:
BanghayTagpuanTauhanTemaAral
Sa banghay nakikita ang maayos na pagdaloy ng mga pangyayari sa kwento. Ang mga banghay ay nabubuo ng panimula, pataas na pangyayari, kasukdulan, pababang pangyayari at resolusyon.
Ang tagpuan naman ay ang lugar kung saan nangyayari ang kwento. Dahil ito ay kwentong bayan, kadalasan itong naglalarawan sa isang lugar na malapit o kaya’y ang dating lugar na kung saan naninirahan ang mga tao.
Sa isang kwento, hindi naman mawawala ang mga tauhan. Sila ay nagbibigay ng perspektibo sa mga pangyayari at sinusundan sila ng mga mambabasa.
Ang tema naman ay ang bagay na gustong iparating ng kwento sa mga mambabasa at ang aral ay ang mga napulot na leksiyon tungkol dito.
