. Marahil, isa sa pinakamahalagang bagay na naimbento o nagawa ng tao sa mundo ay ang wika. Mahalaga ito sapagkat ito ang kasangkapang kailangan upang magkaunawaan. Hindi naitala sa kasaysayan kung paano nagsimula ang pagkakaroon ng wika ng mga tao sa mundo. Ipinagpapalagay na nagsimulang magtalastasan ang mga tao sa pamamagitan ng mga ungol o tunog na tulad ng sa hayop na sinabayan ng mga kumpas upang mabilis na maihatid ang mensaheng nais ipabatid. Narito ang ilan sa mga teorya ng pinagmulan ng wika. Teoryang "Bow-wow" - Ayon sa teoryang ito, ginagaya ng mga tao ang tunog ng kalikasan. Ang mga sinaunang tao diumano ay kulang na kulang sa mga salitang magagamit. Dahil dito, ang mga bagay-bagay sa kanilang paligid ay natutuhan nilang tagurian sa pamamagitan ng mga tunog na nalilikha ng mga ito. Marahil ito ang dahilan kung bakit ang tuko ay tinatawag na tuko dahil sa tunog na nalilikha nito. Teoryang "Yum-yum" – Pinag-uugnay ng teoryang ito ang tunog at kilos ng pangangatawan. Ayon sa teoryang ito, ang tao ay tumutugon sa mga bagay na nangangailangan ng paggalaw at ginagaya ito sa pamamagitan ng kanilang bibig. Teoryang "Pooh-pooh" - Ayon sa teoryang ito, ang tao ay lumilikha ng tunog na may kahulugan upang maipahayag ang tindi nararamdaman tulad ng galit, tuwa, galak, takot, pangamba, at iba pa. . ng damdaming Ayon sa mga pag-aaral ng mga dalubwika, ang mga teoryang nabanggit ay maituturing na may kakulangan upang ganap na maipaliwanag ang kasalimuotang taglay ng pinagmulan ng wika. Gayumpaman, ayon sa pananaw ng mga relihiyoso ang paliwanag dito ay matatagpuan sa Bibliya. Kung ating babasahin ang isinasaad ng Genesis 11:1-9, dito ay mapapansin nating ang ng Diyos sa tao. Ang Diyos ang nagtakda ng wika sa bawat bansa. Kaya anumang wika ang ating sinasalita, dapat ito ay ating mahalin at pahalagahan sapagkat sa pamamagitan nito ay ating naipahahayag ang lahat ng nilalaman ng ating puso at isipan. Halina't iyong tunghayan ang tulang isinulat sa wikang Kapampangan ni Monica R. Mercado na may pamagat na "Ing Amanung Siswan" na isinalin sa Filipino ni Lourdes C. Punzalan na may pamagat na “Ang Sariling Wika" na nagsasaad kung gaano kahalaga ang wika ng isang lugar o bansa. wika ay kaloob​