Answer:
Dahilan kung bakit kailangang isaalang-alang ang kapakanan ng kapwa sa ating pagkilos
Bago kumilos o gumawa ng aksyon ang isang tao kinakailangan na isaalang-alang muna nito ang kapakanan ng kapwa upang maiwasan ang makasakit ng ibang tao. Hindi maaring padalos-dalos tayo ng pagkilos dahil may kapwa tayo na maaring mapahamak sa gagawin nating pasiya o desisyon. Kaya sa paggawa ng kilos, isaalang-alang muna natin ang ating kapwa, suriin muna natin kung makabubuti o makasasama ito sa kanila. Kapag nasuri na natin ito at makatutulong para sa atin at sa ating kapwa, gawin natin kung sa tingin naman natin ay makasasama at may masasaktan tayo baguhin o palitan natin ang ating gagawing kilos. Palagi nating piliin ang lahat ng makabubuti sa ating kapwa hindi lang ang para sa ating sarili.
Batayan sa pagbuo ng kilos
Layunin ng gagawing kilos
Makabubuti dapat sa lahat ang gagawing kilos
Magiging bunga o resulta ng kilos
Makakapagpasaya ba sa tao ang gagawing kilos
Ang pagkakaroon ng mabuti at mapanuring pag-iisip ang kailangan pairalin ng isang tao upang makakilos siya ng may moral at pagpapahalaga sa kabutihan. Sa pamamagitan nito, dadalhin nito ang isang tao upang kumilos ng mabuti at maayos para sa ikabubuti ng kapwa, ang pagkakaroon ng moral na pag-uugali ang gagabay sa isang tao upang mamuhay ng payapa kasama ang kanyang kapwa na makatutulong sa pagpapaunlad ng bayan at ng lipunan.
Explanation:
