Pakikipagkaibigan
Ang pakikipagkaibigan ay ang malalim na pakikipagugnayan sa kapwa. Ang pagkakaibigan ay nabubuo sa pamamagitan ng isang malalim na ugnayan ng dalawa o mahigit pang tao na hindi nakabatay sa kanilang mga katangian kundi sa mas malalim na aspekto ng kanilang pagkatao.
Kahalagahan ng Pakikipagkaibigan
Isa itong paraan upang mapaunlad ang pakikipagkapwa-tao o ugnayan sa kapwa.
Isa rin itong paraan upang mapaunlad at mahubog ang ating interpersoal na talino.
Ang pakikipagkaibigan ay mahalaga upang makakilala tayo ng mga tao na maaring may magandang dulot sa atin, mga taong maari nating naituring na isang tunay na kaibigan.
Dito nagsisimula ang magandang samahan ng mga tao.
Sa pakikipagkaibigan sa kapwa nakakaramdam ka ng saya at galak at nararamdaman mong hindi ka nag-iisa.
Naiiwas tayo sa kalungkutan na maari nating maramdaman.
Mabuting Epekto ng Pagkakaibigan
Nagkakaroon ng masasandalan at matatakbuhan sa mga oras ng pangangailangan.
Nakatutulong sa atin upang mas mahubog pa ang ating pagkatao.
Maari tayong makatagpo at maityuring na para nating totoong mga kapatid.
Nakakatulong sa ating pag-aaral, dahil maari tayong magtanong sa mga aralin na hindi natin lubos maunawaan.
May nasasabihan ng ating mga problema at nagpapagaan ng ating mga kalooban.
May nagbibigay ng pangaral kapag nakagagawa tayo ng kamalian.
Nakatutulong ang mga kaibigan upang maging isang mabuting tao
