Ang lantay ay naglalarawan lamang ng iisang pangngalan o panghalip.
Halimbawa:
· Ako ay maliit.
Ang pahambing ay naghahambing o nagtutulad ng dalawang pangngalan o panghalip. May dalawang uri ng pang-uring pahambing:
Pahambing na pasahol o Palamang - ito ay nagsasaad ng nakahihigit o nakalalamang na katangian ng isa sa dalawang pangngalan o panghalip na pinaghahambing. Gumagamit ito ng mga katagang higit, mas, lalong, di gaano, di gasino, at iba pa.
Halimbawa:
· Mas maliit si Tey kaysa sa akin.
Pahambing na Patulad - ito ay nagsasaad ng magkatulad o magkapantay na katangian ng dalawang pangngalan o panghalip na pinaghahambing. Gumagamit ito ng mga panlaping tulad ng sing/sin/sim, magsing, kasing o ng mga salitang kapwa, pareho.
Halimbawa:
· Si Tey at Fey ay magsingliit.
Ang pasukdol ay nagpapakita ng pinakamatinding katangian sa paghahambing ng higit sa dalawang pangngalan o panghalip.
Halimbawa:
· Ako ang pinakamaliit sa kanilang lahat.
--
--Have a buoyant Saturday--
