Answer:
Noong Marso 16, naglabas na ang Tanggapan ng Pangulo ng mga direktiba at panuntunan hinggil sa estriktong hakbang na makatutulong na harapin ang mabilis na pagkalat ng COVID-19 sa bansa. Kaya naman, bilang pakikiisa ng Presidential Commission for the Urban Poor (PCUP) sa hakbang na ito ay aming hinihikayat ang lahat na sumunod sa mga panuntunang ipinapatupad ngayon ng Pamahalaan kaugnay ng 'Enhanced Community Quarantine' sa buong parte ng Luzon.
Narito ang ilan sa mga hakbang ng pamahalaan habang nasa ilalim ng pagpapatupad ng 'enhanced community quarantine' at habang hindi pa humuhupa ang banta ng COVID-19:
1. Mananatili ang suspensiyon sa lahat ng klase at gawain sa mga paaralan sa lahat ng antas sa Luzon kabilang na ang TESDA hanggang Abril 14, 2020.
2. Ipinagbabawal ang mga malawakang pagtitipon o mass gathering gayundin ang pagpunta sa mga matataong lugar.
3. Katuwang ang mga Lokal na Yunit ng Pamahalaan (LGUs), estriktong ipapatupad ang pangkalahatang community quarantine sa kanilang mga saklaw na lugar bilang pagsunod sa atas ng Department of Health (DOH) at Department of Interior and Local Government (DILG). Papayagan lamang lumabas ng bahay kung bibili ng mga pangunahing pangangailangan gaya ng pagkain, gamot, at hygiene kits.
4. Mananatiling bukas ang mga public markets, supermarkets, grocery stores, mga Ospital, botika, refilling stations, mga bangko, at Money Transfer Services ngunit kailangan ang pagpapatupad ng skeletal work force gayundin ang social distancing measures sa mga empleyado nito.
5. Hinihikayat ang pagkakaroon ng alternatibong paraan ng pagtatrabaho gaya ng sistema na 'Work from Home' ng lahat ng mga kompanya pribado man o pampubliko maliban lamang sa mga miyembro ng PNP, AFP, PCG at health at emergency frontliners na inatasang ipagpatuloy ang full operation.
Explanation:
