Ang paksa ng kwentong "Ang Kwintas" ay ang pagiging ambisyosa ni Mathilde, ang hangarin nitong tingalain at sambahin ng lahat ng tao dahil sa kanyang kagandahan at karangyaang tinatamasa. Ito ay ang kanyang pagiging mapag-imbot sa ibang kababaihang may magagandang kasuotan, alahas at mga tahanan. Ang pagiging hindi kontento at hindi pagtanggap ni Mathilde sa kung ano ang meron siya at ng kayang ibigay sa kanya ng kanyang asawa. Ang kanyang paghahangad ng mga bagay na naaayon lamang sa kanyang pansariling kagustuhan at interes base sa mga nasisilayang karangyaan sa lipunan.
