Ang natatanging katangian na taglay ni Quasimodo ay ang lubhang kapangitan nito. Katunayan, hinirang siyang "Papa ng Kahangalan" dahil siya ang pinakapangit na nilalang sa kanilang lugar. Ipinarada siya isang araw habang kinukutya, pinagtatawanan at pinaglalaruan ng mga tao sa kanilang lugar. Sa kabila ng kanyang kapangitan ay may mabuting puso naman si Quasimodo at marunong din siyang magmahal gaya ng ibang tao at nasasaktan rin. Ngunit gaya ng ibang kinukutya sa lipunan ay hindi nagiging maganda ang kwento ng buhay ni Quasimodo dahil sa kanyang hitsura.
