Paraan ng Pagpapakita ng
Pagpapahalaga sa Edukasyon
- Isabuhay ang mga aral na natutunan sa paaralan, maging sa tahanan at sa kahit saan man.
- Mag-aral ng mga aralin sa tahanan pagkalabas sa paaralan.
- Maglaan ng sapat na oras sa pag-aaral ng mga dapat pag-aralan at dapat bigyan ng pansin.
- Huwag magbabad sa mga bagay na hindi makakapagpaunlad ng iyong kaalaman.
- Tumutok sa mga bagay na makakapagpaunlad ng mga kaalaman, talento at kakayahan.
- Umiwas sa mga taong may masamang impluwensiya sa pag-aaral.
- Maging isang responsableng mag-aaral na may pangarap at layunin sa buhay.
- Maging habit o gawi ang pagbabasa na nagpapayaman ng karunungan at kaalaman.
- Tumuklas pa ng ibang kasanayan at konseptong makakapagpaunlad ng talino at kaalaman.
- Gawing gabay ang mga aral na natutunan sa paaralan sa pang-araw araw na pamumuhay.
- Bigyang halaga ang mga aral na tinuturo ng mga guro sa paaralan.
Ang Edukasyon
Ang edukasyon ay isa sa pinakamahalagang bagay na dapat makamtan ng isang tao sa kanyang buhay, ito ang magsisilbing susi sa ating tagumpay, ito ang humuhubog sa ating mga isipan, damdamin at pakikisalamuha sa kapwa. Sa pamamagitan ng pagkakaroon ng isang sapat na edukasyon maaari kang magkaroon ng isang mas mahusay at maayos na kinabukasan, maging handa sa hinaharap. Ito rin ang nagsisilbing sandata na magagamit natin para mabago ang mundong ating ginagalawan.
Kahalagahan ng Edukasyon para sa Isang Tao
- Ang edukasyon ay isang yaman na hinding hindi makukuha kahit nino man at hinding hindi mawawala sa atin kailanman, bagamat pwede kang masaktan o mahirapan pero marami kang matututuhan. Ito ang nagtuturo sa atin ng mga bagay na hindi natin nalalaman, dahil sa edukasyon nagiging matalino tayo sa mga bagay bagay.
- Sa mga natututunan natin sa paaralan na humuhubog sa ating mga pagkatao at humuhulma sa ating mga kakayahan, na gumagabay sa atin sa mga gawaing tama at umiwas sa mga mali.
- Sa panahon ngayon mas angat ang may pinag-aralan, mas tinitingala at mas binibigyan ng atensyon ng lipunan ang mga taong nakatapos ng pag-aaral. Higit sa lahat, sadyang napakahalaga ng edukasyon sapangkat ito ang siyang nagsisilbing instrumento upang mabigyan ng katuparan ang ating mga pangarap.
- Ito ang nagdadala sa isang tao sa mga pangarap ng gusto niyang makamtan, ito rin ang nagiging sandata ng lahat upang makapag-ambag sa pagbabago ng ating lipunan.
Ngayong tayo ay nasa modernong panahon, sadyang napakahalaga ng edukasyon sa ating buhay. Kaya naman dapat lang na bigyan natin ito ng pagpapahalaga at huwag ipasawalang bahala. Imulat natin ang ating kaisipan sa mabubuting hatid nito dahil ito ang magbibigay ng katuparan sa ating mga mithiin at pangarap sa buhay. Kaya pagsikapang makatapos ng pag-aaral upang mabago ang iyong buhay sa hinaharap at upang makamit ang tagumpay.
