Dahil ang wika ay ginagamit sa pakikipagtalastasan.
Sa sarili, mahalaga ang wika dahil mismong sarili mo rin ay nakikipagtalastasan. Ibig sabihin, maski ang iyong ikinikilos, mga pinaplano at mga iniisip ay umiiral ang wika dito. Nagiging organisado tayo dahil sa wika.
Sa lipunan, ang wika ang nagiging tulay din natin para magkaintindihan. At nagiging payapa ang ating ugnayan dahil sa wika. Magkagayunman, may mga tao sa lipunan na nagkakaintindihan nga sa wika pero magkaaway pa rin. Ito ay dahil sa problema sa sarili, udyok ng pride at hindi mapagpatawad.
Ang wika rin ay daan para sa pakikipag-kapwa. Ito ay depende sa paggamit mo ng mga salita na mahinahon, malambing at mabait. Dahil kung hindi, baka ito rin ang daan para hindi kayo magkaintindihan at sa huli ay mahihirapang makipagpayapaan sa bawat isa.
Maski ang mga pipi ay may mga sariling wika. Kahit nga mga bata na hindi pa nagsasalita ay may mga wika din. Ang mga hayop ay may mga sariling wika. Ang ating mga organo sa loob ng ating katawan ay may wika. Ang mga gamit tulad ng computer ay may sariling mga wika. Kaya kung wala ang wika, "pupulutin lang tayo sa basura", wika nga.
