Aginaldo ng mga Mago

(Buod)

Makailang ulit bilangin ni Della ang kaniyang pera. Piso at walumpu’t

sentimos na barya lang ang kaniyang pera. Hindi niya alam kung ano ang

ireregalo sa asawa gayong alam niya na hindi sapat ang kaniyang naipon na

pera. Kinabukasan noon ay magpapasko na. Kaya naman, hindi napigilan ni

Della na umiyak.

Tinapos ni Della ang kaniyang pag-iyak. Inayos ang sarili at maraming
oras ang ginugol niya sa pag-iisip ng isang maganda, pambihira at yari sa

pilak na karapat-dapat ariin ni Jim. Agad siyang humarap sa salamin at
maliksi niyang inilugay ang kaniyang buhok. Alon-alon at kumikislap na

parang buhos ng kayumangging tubig sa isang alon ang buhok ni Della. Abot

hanggang sa ibaba ng kaniyang tuhod at mistulang pananamit na niya.
Habang minamasdan ni Della ang kaniyang buhok sa salamin dalawang
patak ng luha ang tumulo sa gasgas na pulang karpet nila sa sahig.
May dalawang ipinagmamalaking ari-arian lamang ang mag-asawang
James at Della Dillingham Young. Ang buhok ni Della at gintong relo ni Jim

na minana pa niya sa kaniyang ama at sa ama ng kaniyang ama.
Ibininta ni Della ang kaniyang buhok sa halagang beinte pesos.
Pagkatapos, dali-dali siyang naghahanap ng panregalo sa asawa. Hinalughog
niya ang mga tindahan sa loob ng dalawang oras. Sa wakas, nakita niya ang
isang magandang kadenang platino na ang disenyo ay napakasimple ngunit
nakaaakit at talagang nababagay sa relos ni Jim.

Dumating na Jim mula sa kaniyang trabaho. Pumasok si Jim na
walang katinag-tinag. Ang mga mata niya’y nakatitig kay Della. Hindi naman galit, ni pagtataka, ni pagpipintas, ni hilakbot, ni alinman sa mga simbuyong
pinaghahandaan na ni Della. Basta’t nakapako lamang sa kaniya ang

paningin ni Jim na kung saan ang mga mata nito’y nagpapahayag ng isang

damdaming hindi mahulaan.

Lumapit si Della kay Jim at sinabing, "Jim, mahal ko. Huwag mo sana
akong masdan nang papaganyan. Ipinaputol ko ang aking buhok at ipinagbili
sapagkat hindi na ako makatatagal pa sa isang Pasko kung hindi kita

mabibigyan ng isang aginaldo. Ito nama’y hahaba uli. Huwag ka sanang
magagalit ha, ha? Talagang kinailangan kong gawin iyon. Malakas namang

humaba ang aking buhok. Hala, sabihin mong maligayang pasko, Jim at
tayo’y magsaya. Hindi mo nalalaman kung gaano kaganda ang aginaldong
binili ko para sa iyo.""Ipinagupit mo ang iyong buhok?", pasagot na sabi ni Jim na parang
naghihirap sa pagsasalita. "Huwag ka sanang magkakamali tungkol sa akin,

Della. Sa palagay ko’y walang makababawas sa aking pagkagusto sa aking

giliw dahil sa buhok o sa pabango, o ano pa man," dagdag pa niya.
Inihagis ni Jim sa mesa ang isang balutan mula sa kaniyang bulsa.

Binuksan ito ni Della. Ito ay naglalaman ng huwego ng mga suklay na matagal

ng inaasam-asam ni Della. Hindi niya napigilang tumili dahil sa galak subalit

agad naman itong napalitan ng hagulhol na sinabayan ng pagdaloy ng mga

luha.
Binuksan ni Della ang kaniyang palad at ipinakita kay Jim ang
kaniyang regalo para dito. Hiningi niya ang relos ng asawa ngunit ibinenta na

pala ito ni Jim upang may pambili siyang aginaldo kay Della na suklay.
Parehong hindi magagamit ng mag-asawa ang regalo nila sa isa’t isa.
Ngunit napagtanto nila na hindi lang mga materyal na bagay ang maaaring
iregalo sa pasko kundi pati na rin ang wagas na pag-ibig. Ito ang maituturing

nilang pinakamagandang aginaldo na kanilang natanggap mula sa isa’t isa.

Sagutin ang gabay na tanong.

1. Ilarawan ang pagmamahalan ng mag-asawa. Ano ang katangiang
ipinakita ng mag-asawa?

2. Ano sa tingin mo ang dahilan kung bakit pinamagatang Aginaldo ng

mga Mago ang akda Ipaliwanag.

3. Kung ikaw ang nasa sitwasyon ng mag-asawang Delia at Jim, handa

ka rin bang isakripisyo ang bagay na mahalaga sa iyo mapaligaya mo

lamang ang iyong minamahal?

4. Sukatan ba sa pag-iibigan ang pagbibigay ng regalo sa isa’t isa?

Bakit?

5. Ano ang aral na iyong napulot sa akda? Paano mo ito isasabuhay?

TULONG PO SANA​