Ang pagiging tao ay tumutukoy sa mga pisikal at simpleng mga ritwal na ginagawa mo araw-araw gaya ng paggising, pagligo, pagkain, paglilinis, pakikisalamuha sa kapwa at maraming pang iba. Ang pagiging tao ay natural at normal at karaniwang ginagawa para sa sarili lamang. Hindi rin ito kinakailangang pag-isipan o ng matinding effort subalit ang pagpapakatao ay ang pagiging mabuting mamamayan sa lipunan. Kabilang na dito ang paggawa ng mga bagay na nakakabuti hindi lang para sa sarili kundi sa lahat ng mamamayan katulad ng pagsali sa mga programa para sa mga mahihirap, pagbibigay ng mga donasyon at marami pang iba. Ang pagpapakatao ay mahirap gawin sapagkat kailangan nito ng prinsipyo at pasensya.
