Ang seksuwalidad ng iba ay hindi tumutukoy sa kung paano dapat sila itrato kung kaya't mula sa kaibuturan ng aking puso, tanggap ko ang mga taong kinikilala ang mga sarili sa labas ng mga kasariang nakagawian tulad ng babae o lalake. Hindi nito inaalis ang katotohanan na sila ay mga nilalang na karapat-dapat bigyan ng galang at respeto. Sa panahon ngayon, karamihan sa mga kasapi ng minoryang ito ay humaharap ng diskriminasyon. Marami na ang buhay na nalagay sa panganib kaya't sa mas lalong madaling panahon, dapat mapagtanto na ng iba na hindi sila "sira" na kailangan ng pag-aayos dahil ang seksuwalidad ng tao ay iba-iba sa bawat isa.
