Answer:
Pagsulat ng Editoryal o Pangulong-Tudling
Ang editoryal na tinatawag ding pangulong-tudling ay bahagi ng pahayagang
nagsasaad ng mapanuring pananaw o kuro-kuro ng pahayagan tungkol sa isang
isyu. Itinuturing itong tinig ng pahayagan dahil dito mababasa ang paninindigan
nila ukol sa isang napapanahong isyu. Ito rin ay naglalayong magbigay-kaalaman,
magpakahulugan, humihikayat, at kung minsa’y lumibang sa mambabasa.
Tatlong Bahagi ng Editoryal o Pangulong-Tudling
May tatlong bahagi ang editoryal o pangulong-tudling. Ito ay ang sumusunod:
1. Panimula - Dito binabanggit ang isyu o balitang tatalakayin.
2. Katawan - Sa bahaging ito ipinapahayag ang opinyon o kuro-kuro ng patnugot.
Maaaring ilahad ito sa pamamagitan ng paglalarawan, gayundin ang pro (pagpanig)
o con (pagsalungat) sa isyung tinalakay.
3. Wakas - Dito ipinahahayag ang bahaging panghihikayat o paglagom upang
mabuo sa isipan ng mambabasa ang pananaw na nais ikintal ng editoryal.
Mga Salitang Nanghihikayat:
Totoo, Subalit, Kaya natin ito, Ngayon Na!
Tunay, Siguradong…, Siyempre, Naniniwala akong…, Ito na
Talaga, Tara, Kitang-kita mong…, Sama na…, Kaya mong maging bahagi ng…
Editoryal na Nanghihikayat o Namumuna
- nagpapaliwanag ng kamalian o suliran, sumusuri ng kalagayan, nagmumungkahi
ng isang solusyon na nanghihikayat ng pagbabago.
Mga Halimbawa:
Masamang pag-uugali ng mag-aaral
Maling pamamalakad ng isang kompanya
Mahal na pagkain sa kantina
Dahilan ng pangongopya sa mga panahon ng pagsulit
Ang mismong sagot ay ang KATAWAN ng editoryal. Kung mapapansin ay mahaba ang nilalaman nito dahil dito mismo inihahayag ng may akda o ang patnugot ang kanyang opinyon
