#BagyokaLangPinoyKami
ni Maybelline N. Orosco
Itininuturing na isa sa pinaka-mapaminsalang delubyo na humagupit sa
bansang Pilipinas ang bagyong Yolanda noong taong 2014. Ito na marahil ang
pinakamasalimuot na karanasan para sa maraming Pilipino. Sa mga probinsiya na!
I matatagpuan sa Visayas at Mindanao naitala ang pinakamaraming namatay at
pinsala na naidulot ng nasabing bagyo.
Maraming masasakit na alaala ang iniwan ng pangyayaring ito. Mga
pamilyang nawalan ng tirahan at ari-arian. Mga negosyong nagsara at nalugi. Mga!
! hayop at mga pananim na nalunod dahil sa baha. Higit sa lahat, mga pamilyang i
i nawalan ng mga mahal sa buhay. Malalim na pilat ang iniwan ng pangyayaring ito.
Subalit hindi nagtapos ang kwento sa masasalimuot na karanasan lamang.
Kasabay ng paglisan ng unos, ay ang pagsibol ng bagong pag-asa sa puso
at isip ng mga Pilipino. Nag-alab ang damdaming makatao ng karamihan, at i
i sumiklab ang bayanihan at pagtutulungan. Nagpakita ng katatagan, pagmamahalan,
at pagtutulungan ang bawat isa. Milyong tao ang nakilahok sa pagtulong hindi
lamang sa Pilipinas kundi maging sa iba't-ibang panig ng mundo. Dumagsa ang
nagpa-abot ng maraming tulong. Magmula sa relief goods, tulong medikal, at mga !
donasyon mula sa iba't ibang lugar ang dumating upang makatulong sa ating mga i
i kababayang nasalanta ng bagyo. Higit sa lahat, ipinamalas ng maraming Pilipino
ang pakikilahok sa pamamagitan ng sama-samang pagkilos bilang mga volunteer.
: ito ay upang mas mapadali ang paglikas, pagliligtas, at pagsasaayos ng kalagayan
I ng mga taong naapektuhan ng bagyo. Ang iba nga'y isinugal ang sariling buhay
i upang mailigtas lamang ang mas nakararami. Hindi natinag ng dumating na delubyo
I ang damdaming makatao ng mga Pilipino.
Ngayon ay unti-unti nang bumabangon at nanunumbalik sa dati ang buhay ng
mga naapektuhan ng bagyong Yolanda. Subalit, nananatiling buhay sa puso't isip
i ng bawat isa ang larawan ng hindi matatawarang pagtutulungan at pagkakaisa na
i namayani sa pagkakataong ito. Ang diwa ng pakikilahok at bolunterismo ay
nakapagpabago sa buhay ng maraming Pilipino.




GAWIN NATIN
Gawain 1. Basahin at sagutin ang sumusunod na katanungan
1. Ano ang iyong naramdaman matapos mong basahin ang teksto?
2. Sa paanong paraan ipinakita ng mga Pilipino ang kanilang pagtulong sa kapwa sa
pagkakataong ito?
3. Anong damdamin ang namayani sa mga Pilipino sa pagharap sa pagsubok?
4. Ano-ano ang mga katangian na ipinamalas ng mga Pilipino?
5. Sa iyong palagay, nakatulong ba ang mga katangiang ipinamalas ng mga Pilipino
upang malampasan ang dumating na pagsubok?
6. Mahalaga ba na naipamalas ng mga Pilipino ang pakikilahok at bolunterismo sa
panahong ito?​