1. Paglalapat ng Patakaran. Ang Patakarang ito sa Pagputol ng Residensyal na
Serbisyo sa Tubig dahil sa Hindi Pagbabayad ("Patakaran") ay ilalapat sa lahat ng
account ng Lungsod para sa residensyal na serbisyo sa tubig, ngunit hindi ilalapat sa
anumang mga account para sa hindi residensyal na serbisyo. Sa abot na ang
Patakarang ito ay kumukompromiso sa anumang iba pang mga panuntunan,
regulasyon, o patakaran ng Lungsod, ang Patakarang ito ang magkakaroon ng kontrol.
2. Impormasyon sa Pakikipag-ugnayan. Para sa mga katanungan o tulong
tungkol sa iyong singil sa tubig, maaaring makipag-ugnay sa staff ng Customer Service
ng Lungsod sa (626) 254-2700. Maaari ring bumisita ang mga customer sa Public
Works Services Service Center (Tanggapan ng Serbisyo para sa mga Serbisyo sa
Pampublikong Gawain) nang personal mula Lunes hanggang Huwebes mula 6:45 a.m.
hanggang 5:00 p.m., at tuwing makalawang Biyernes mula 6:45 a.m. hanggang 4:00
p.m., maliban sa mga holiday ng Lungsod.
3. Mga Pamamaraan sa Pagsingil. Ibinabayad sa Lungsod ang mga singil sa
serbisyo ng tubig isang beses kada dalawang buwan o sa ibang naturang dalas
alinsunod sa pana-panahong pagpapasya ng Konseho ng Lungsod. Ang lahat ng singil
para sa serbisyo ng tubig ay dapat at maaaring bayaran sa panahong maibigay ito at
magiging delingkwente labinlimang (15) araw pagkatapos ng petsa ng pagpapadala sa
koreo.
4. Pagputol ng Serbisyo sa Tubig dahil sa Hindi Pagbabayad. Kung ang singil
ay delingkwente ng hindi bababa sa animnapung (60) araw, maaaring putulin ng
Lungsod ang serbisyo ng tubig sa siniserbisyuhang address.
4.1 Nakasulat na Abiso sa Customer. Magbibigay ang Lungsod ng nakasulat
na abiso sa customer na nasa rekord ng hindi bababa sa labinlimang (15) araw bago
ang pagputol sa serbisyo sa tubig. Ang abiso ay maglalaman ng:
(a) pangalan at address ng customer;
(b) halagang naging delingkwente;
(c) petsa kung kailan ang kabayaran o mga pagsasaayos ng
kabayaran ay dapat isagawa upang maiwasan ang pagputol ng
serbisyo;
(d) pamamaraan kung saan ang customer ay maaaring simulan ang
reklamo o kahilingan para sa imbestigasyon o apela tungkol sa
serbisyo o mga singil;
(e) paglalarawan ng pamamaraan kung saan maaaring humiling ang
customer ng alternatibong pagsasaayos ng kabayaran, na
maaaring kabilangan ng ekstensyon, amortisasyon, alternatibong
iskedyul sa pagbabayad, o pagbawas sa ibabayad;
