III. Basahin ang mga talata. Bilugan ang paksang pangungusap ng bawat isa.
11. Ang platypus o duckbill ay isang hayop na may kakatwang anyo. Palapad ang katawan nito na nababalot
ng maikli at pinong balahibong kulay kape. Tila sagwan ang buntot nitong maikli, malapad at nababalutan
ng magaspang na buhok. Maiikli ang apat nitong mga paa na may magkadidikit na mga daliri. Wala itong
leeg. May maliit itong mata at tenga na naisasara kapag nasa ilalim ng tubig.
12. katutubong awitin ng mga Ilokano ang Dal-lot. Binubuo ito ng walong taludtod sa isang saknong. Kung
susuriin, halos walang anumang kahulugang isinasaad ang Dal-lot. Inaawit ito ng isang lalaki sa isang babae
na tumutugon naman nang patula. Nagtatapos ito sa kanilang sabay na pag-awit.
13. Ang langaw ay maituturing na pinakamapanganib na hayop sa buong daigdig. Ang dalawa nitong pakpak
at anim na mabalahibong paa ay nakapagdadala ng mikrobyo na nagdudulot ng maraming sakit. Kumakain
ito ng kahit na anong bagay na nabubulok Daan-daan kung mangitlog ito sa mga basura at dumi. At sa oras
ng kaniyang paglipad at pagdapo kung saansaan, tiyak ang dala niyang sakit sa mga tao.
14. Pinagyaman ng mga Ifugao ang kanilang kabundukan. Binungkal nila ang mga gilid nito. Nakalikha sila ng
makikitid na taniman. Tinataniman nila ito ng palay. Ang hagdang-hagdang palayan ng mga Ifugao ay isang
kahanga-hangang tanawin.
15. Mahirap ang magulang ni Andres. Hindi siya nakapag-aral. Maaga siyang naulila. Siya ang nagpalaki sa
kaniyang mga kapatid. Ngunit sa sariling pagsisikap ay natuto siyang bumasa at sumulat. Tinuruan muna
siyang bumasa ng kaniyang ate. Napaunlad niya ang kaalamang ito. Nakabasa at nakasulat siya gaya ng
nagtapos sa paaralan.​