Isang dahilan kung bakit may mga OFW (Overseas Filipino Workers) sa Pilipinas ay dahil malaki ang posibilidad na magkaroon sila ng mas maganda at mas mataas na sweldo sa trabahong makukuha nila doon kaysa dito sa Pilipinas. Madaming mga pamilyang Pilipino ang nagigipit sa kahirapan sa kasalukuyan dahil sa kakulangan ng pera at ng trabaho. Kung makakuha man sila ng trabaho, maliit lang ang sweldo o ang perang makukuha nila kaya madalas ay hindi ito nagkakasya sa buong pamilya. Madaming Pilipino ang naghahanap ng oportunidad na makapagtrabaho sa ibang bansa dahil inaasahan nilang makakuha ng mas mataas na sweldo. Kaya mayroong mga OFW dahil para iyon sa kabuhayan o ang sweldong makukuha rito ay para sa pamilya ng OFW na iyon. Kaya mayroong mga magulang na OFW dahil para ito sa anak nila. Gusto nilang magkaroon ng magandang kinabukasan ang kanilang anak at para maabot iyon, kinakailangan nilang magtrabaho. Kaya mas gusto ng iba na sa ibang bansa magtrabaho ay dahil mas mataas nga ang sweldo na makukuha doon kaysa dito sa Pilipinas. Ang mga OFW ang nagpapanatili ng magandang kabuhayan ng kanilang mga pamilya.
