Ang Paglaganap ng Paggamit ng Beki Language Ang sagot ni Kalihim Luistro nang tanungin hinggil sa paggamit ng Beki Language: “Ang paggamit ng bagong nabubuong kolokyal na kagaya ng ‘beki’ ay kasama sa pagbabago ng mga wika at hindi natin [ito] mapipigilan. Kapag ang ganitong salita ay naging katanggap-tanggap na sa lipunan at ginagamit na ng mayoridad, saka pa lang ito naisasali sa opisyal na komunikasyon.” Ang Pagkabihasa ng Maraming Mag-aaral sa Wikang Ingles kaysa sa Wikang Filipino Ang sagot ni Kalihim Luistro nang tanungin hinggil sa maraming mag-aaral na bihasa sa paggamit ng wikang Ingles: “Ang naumpisahan na nating reporma sa bagong K-to-12 curriculum ay nagnanais na tumugon sa hamon na mahasa ang ating kabataan na gamitin at palawigin ang ating wikang kinagisnan pati na rin ang ating Pambansang Wika. Kasama na rito ang paggamit ng kanilang unang wika.” Ang Pagkakaroon ng Mother Tongue Based-Multilingual Education Ayon kay DepEd Secretary Armin Luistro, FSC, “Ang paggamit ng wikang ginagamit din sa tahanan sa mga unang baytang ng pag-aaral ay makatutulong mapaunlad ang wika at kaisipan ng mga mag-aaral at makapagpatibay din sa kanilang kamalayang sosyo-kultural.” Base sa mga nabanggit na napapanahong isyu, bumuo ng isang kritikal na sanaysay ukol sa paraan ng paggamit ng wika ng iba’t ibang grupong sosyal at kultural sa Pilipinas.
