IDNStudy.com, ang iyong destinasyon para sa mga maaasahang sagot. Sumali sa aming platform ng tanong at sagot upang makatanggap ng mabilis at eksaktong tugon mula sa mga propesyonal sa iba't ibang larangan.
Answer:
Pangangalaga sa Kaligtasang Pangkalusugan:
Normal na ngayon ang Social Distancing (SD) saan man tayo magpunta. Panatilihing may distansya sa ating makakasalamuha sa labas ng ating bahay maging sa miyembro ng ating mga pamilya kung ikaw ay kabilang sa frontliners o balik-trabaho na. Ito ay upang makasiguro tayo na maging ligtas sa lahat ng pagkakataon. Bawal muna ang beso-beso o pakikipagkamay sa ating kapwa habang may banta pa ang Covid-19. Sabi nga, “Distancia Amigo”.
Ugaliin ang paggamit ng face mask.
Sa loob o labas ng tahanan, palaging maghugas ng kamay. Hindi lamang ang palagiang paghuhugas ng kamay ang dapat gawin kundi panatilihing malinis ang loob at labas ng ating bahay, ugaliing mag-disinfect araw-araw.May kasabihan tayo na “Cleanliness is next to godliness”.
Siguraduhing laging may dalang alcohol, sanitizer o anumang pang-disinfect, gumamit din ng surgical disposable gloves lalo na kung pupunta sa mga supermarket o grocery, palengke at iba pang pampublikong lugar. Hindi man natin nakasanayang gumamit ng gloves sa labas ng ating tahanan ngunit ito ay para sa ating kaligtasan.
Sa mga may sasakyan, mas magiging ligtas tayo sa posibleng pagkakaroon ng virus kung idi-disinfect na natin ang ating mga gamit bago tayo muling sumakay sa ating sasakyan pagkagaling sa ating mga trabaho o sa pampublikong lugar. Magdala tayo ng handy Lysol spray o alcohol.
Para naman sa mga gumagamit ng anumang pampublikong sasakyan, mag-spray ng alcohol sa upuan pati sandalan at punasan ito bago tayo maupo. Huwag isipin na ito ay kasupladahan, gagawin natin ito para sa kaligtasan.