Sa tanong na, “what is the meaning of kolonyalismo and imperyalismo?” Ang tinutukoy na kolonyalismo at imperyalismo ay parehong uri ng pananakop ngunit nagkakaiba ito sa maraming bagay, lalo na sa aspetong sosyo-pulitikal at sosyo-ekonomikal. Alamin din sa link na ito ang kanilang pagkakaiba: https://brainly.ph/question/293409.
Ang pagkakaiba ng kolonyalismo at imperyalismo ay ang kolonyalismo ay ang ginagawa ng mga kolonyalistang bayan kung saan nananakop ang mga ito ng mga teritoryo upang gawin na isang kolonya. Ang kolonyalismo ay maituturing na pagpapakita lamang ng lakas ng isang bansa, partikular na ang lakas nitong militar at pulitikal. Sa kabilang banda, ang dahilan ng imperyalismo ay ang pangangailangan ng mga bansang makapangyarihan na manakop ng mga teritoryo upang gawing lagakan ng mga produkto at serbisyo o kaya ay bilang pagkukunan ng mga hilaw na materyal at paggawa. Para naman sa epekto ng imperyalismo sa Asya, tumungo sa link na ito: https://brainly.ph/question/1259290.
Ang imperyalismo sa Pilipinas ay natunghayan noong dumating ang mga Amerikanong mananakop matapos nilang matalo ang mga Kastila. Sa sandaling panahon ng imperyalistang mga Amerikano sa bansa, naging malaki ang pinagbago ng lipunang Pilipino. Mula sa pinakamataas na posisyon sa pamahalaan hanggang sa loob ng pamilya ay nanuot ang imperyalismo. Para sa dagdag pang impormasyon sa imperyalismo, tumungo sa link na ito: https://brainly.ph/question/282728.
