Ang pera ni Milca
Si Milca ay isang anak ng mag-asawang mayamang negosyante. Kumikita sila ng halos kalahating milyon kada buwan. Nag-aaral siya sa isang pribadong paaralan. Marami siyang naging kaibigan dahil hindi lang sa kilala ang kaniyang mga magulang sa paaralan, kundi dahil siya ay maputi at may kaaya-ayang mukha. Isang araw nang siya ay papauwi na, naghihintay ng kotse ng kaniyang ama, ay biglang may humablot ng kanyang bag. Nawala lahat ng gamit niya. Tinangay ng magnanakaw. Kinagabihan ay saka pa lang dumating ang kaniyang ama. Napagalitan siya nito dahil hindi man lamang niya hinabol, o sumigaw man lamang upang humingi ng tulong sa ibang tao na nanakawan na pala siya. Katuwiran niya, marami naman daw silang pera, at kaya nilang bilihin muli ang mga iyon. Napagalitan siya sa bahay. Naisip niya na hindi dahil lang sa madami kayong salapi, kundi kung paano mo pahahalagahan ang mga bagay na binigay sa iyo at pinaghirapan ng mga magulang mo.
