Ang Kalikasan
Ang kalikasan ay isang karangalan ng buong bayan
Kaya't pagmasdan at bigyan kahulugan
Ang kalikasan ng ating bayan
Upang maunawaan ng sambayanan
Ang ganda ng kalikasan ay tunay na yaman
Bahagi na ito ng ating kabataan
Ito ay pundasyon na ng ating kinabukasan
Kaya pagsisikapan ko itong ingatan
Ang gubat sa bundok ay gubat ng yaman
Pagka't sari–saring buhay ang matatagpuan
Ang sinag ng araw dito ay walang kasing kinang
Ang himig ng hangin ay may dalang katahimikan
Ang lambak ng hardin
Punong–puno ng iba't ibang pananim
Madaming bulaklak saan ka man tumingin
Ang samyo nito'y nakakahumaling
Ang hanging sariwa ay naglilinis ng pang–unawa
Libre lang langhapin hindi nakakasawa
May dalang himig sa musikero't makata
Na alay ay himig at tula
Kaya kalikasan ay ingatan
Kung kinakailangan, huwag pabayaan
Upang kinabukasan ng kabataan
Ay maging kapaki–pakinabang
