Maging masaya sa ginagawa. Ito ang unang dapat isaalang-alang ng isang nagnanais magnegosyo. Ang pagnenegosyo ay nangangailangan nang tiyaga at malaking oras na paggugol kung kaya’t kaakibat dapat nito ay ang pagmamahal upang hindi pagsawaan ang magtrabaho.
Umisip ng mga bagay na agaw-pansin. Sa larangan ng pagnenegosyo ay may mahigpit na kumpetisyon kung kaya’t kailangang makaisip ng mga paraan kung papaano mapapansin ang ating produkto o serbisyo. Kailangan ng uniqueness sa ating inilalatag sa merkado na aangat sa iba. Maaari rin itong daanin sa masining na advertisement o kakaibang promotion. Pinakaepektibo pa rin sa lahat ang makabago at tatatak sa isipan ng mga consumers at buyers.
Umisip ng mga bagay na maipagmamalaki ng mga empleyado. Sa ganitong paraan ay matututunan nang mahalin ng mga empleyado ang negosyong itinayo at bibigyan na rin nila ito nang pagpapahalagang gayang sa iyo. Ang mga empleyado ay mahalagang salik dahil sila ay mga asset na katulong sa pagpapalago ng negosyo.
Matutong makinig sa opinyon ng iba. Mahalaga na paglaanan ng oras ang pakikinig sa payo at suhestiyon ng ibang tao, higit pa ang mula sa iyong mga tauhan.
Siguraduhing lagi kang nakikita o laging nararamdaman ng mga tauhan ang iyong presensya. Ipakita sa kanila kung gaano ka kapursigido sa pagtatrabaho upang ng sa ganuon ay mabigyan sila ng motibasyon upang lalong magsikap.
