Ang salamin na tinitingnan ng persona sa "Salamin ni Assunta Cuyegkeng" ay ang pisikal na salamin na ginagamit upang makita ang iyong repleksyon halimbawa sa pag-aayos. Sa tulang ito ipinapakita ang mga nakikita at naiisip ng persona habang nakamasid sa sariling repleksyon na nakikita sa salamin. Maraming mga bagay at pangyayari ang kanyang naaalala habang nakamasid sa sarili sa harap ng salamin dahil pakiramdam niya ay para siyang naninibago sa mga pagbabagong nakikita sa babaeng kaharap sa salamin.
