Malaki ang pakinabang ng pagiging maritime o insular ng bansang Pilipinas sapagkat walang ganap na hangganan ang teritoryo ng Pilipinas sa ibang karatig-bansa dahil sa gitna ito ng karagatan. Mapayapa itong makipag-ugnayan sa ibang bansa na medyo malapit ngunit hindi sobrang lapit upang magkaroon ng tunggalian sa teritoryo. Dahil nasa gitna ng karagatan ang Pilipinas at napapalibutan ng iba't ibang bansa, ito ang nagiging sentro ng kalakalan ng mga taga-kanluran at taga-silangan at ito rin ang lugar ng magkaiba at makulay na kultura at tradisyon.
