IDNStudy.com, ang iyong destinasyon para sa mga maaasahang sagot. Alamin ang mga detalyadong sagot mula sa mga bihasang miyembro ng aming komunidad na sumasaklaw sa iba't ibang paksa para sa lahat ng iyong pangangailangan.
Answer:
Maraming dahilan at epekto ng pagdedeklara ni Pangulong Marcos ng Batas Militar sa ating bansa. Ilan sa mga hindi mabuting epekto nito ay ang pagpigil sa kalayaan sa pagpapahayag at ang pagkawala ng kapangyarihan sa kamay ng taong bayan. Sa kabila ng mga panganib, patuloy na ipinaglaban ng mga Pilipino ang kanilang mga karapatan bilang isang demokratikong bansa.
Sa mga nagdaang panahon ay pinatunayan ng mga Pilipino ang pagmamahal sa kanilang kalayaan at karapatan. Una itong nasaksihan sa Labanan sa Mactan, sinundan pa ng mga magkakahiwalay na pag-aalsa simula noong 1574 hanggang 1860, nakita din ito sa pagtatatag ng mga samahan tulad ng Kilusang Propaganda at Katipunan at nagpatuloy sa pakikibaka ng mga Pilipino laban sa mga mananakop na Amerikano at Hapones. Ang mga nabanggit na pagkilos ay reaksiyon ng mga Pilipino dulot ng pang-aabuso ng mga dayuhang kapangyarihan. Ito ang nagbigay sa kanila ng hinahangad na kalayaan at karapatan na pamunuan ang sariling bansa.
Bagama’t isang malayang bansa na ang Pilipinas, isang panibagong banta sa tinatamasang kalayaan ang hinarap ng mga Pilipino. Ito ay dulot ng deklarasyon ng Batas Militar na naganap sa ilalim ng pamumuno ni Pangulong Marcos. Ang mga karanasan ng mga Pilipino mula sa panahon ng Batas Militar at ang mga sumunod na pangyayari ang nagbigay daan sa isang mahalagang kaganapan sa kasaysayan ng demokrasya ng Pilipinas – ang 1986 EDSA People Power Revolution.
Explanation: