Sa paglinang ng tiwala sa sarili ay matututo din tayong magtiwala sa iba. At malaki ang maiaambag ng ating tiwala sa sarili para sa ating kinabukasan. Ang bawat talento, abilidad, at kakayahan ay maipapakita at mapasusulong lamang kung nagtitiwala kang magagawa mo ito at magdudulot ng tagumpay sa iyo balang araw.
Oo, kaligayahan ang maidudulot kung tayo mismo ang unang magtitiwala sa ating sarili bago tayo pagkatiwalaan ng iba. Sa ganitong paraan, ay maipapakita at maipararamdam natin ang ating saloobin sa iba. At mapagtatanto kung gaano kahusay ang maylikha dahil hindi ka lang nagtitiwala sa iyong sarili kundi pati na rin sa kaniyang gumawa sa atin, ang Diyos.
