Maraming bansa ang sumakop sa Malaysia. Ang mga ito ay ang Portugal, Netherlands at England.
Unang sinakop ng mga Portuges ang Malacca na bahagi ng Malaysia noong 1511 sa pamumuno ni Alfonso de Albuquerque gamit ang malakas na kanyon at barkong pandigma. Istratehiko ang lokasyon nito dahil malapit ito sa Strait of Malacca. Inagaw ng Netherlands sa pamamagitan ng Dutch East India Company ang Malacca mula sa mga Portuges. Dahil dito nagkaroon ng monopolyo sa pangangalakal ng mga pampalasa ang Dutch. Subalit dahil sa Napoleonic Wars, napasakamay ng England ang Malacca. Noong panahon na iyon, naghahanap ang England ng maayos na daungan para sa mga barko nito na naglalayag sa South-East Asia. Nakipagsundo ang mga British sa mga sultan ng mga isla sa paligid ng Strait of Malacca tulad ng Penang at Singapore upang makapagtayo sila ng daungan dito.
