Paraan ng pag-papamalas ng nasyonalismo ng Timog-Silangang Asya
May dalawang paraan kung paano naipamalas ang nasyonalismo ng mga Asyano sa Timog Silangang Asya.
Una ay ang pagpapamalas ng nasyonalismo sa pamamagitan ng mapayapang paraan. Halimbawa nito ay si Dr. Jose P. Rizal na nagpakita ng nasyonalismo sa pamamagitan ng pagsusulat ng mga nobelang Noli Me Tangere at El Filibusterismo na labag sa loob ng mga Kastila. Ipinapahayag ng mga nobelang ito ang mga pagpapahirap at mga masasamang pamamaraan ng mga Kastila sa ating mga Pilipino. Dahil dito, namulat ang mga Pilipino na lumaban upang makamit ang kalayaan.
Pangalawa ay ang pagpapamalas ng nasyonalismo sa pamamagitan ng paghihimagsik. Halimbawa nito ay ang pagtatatag ng KKK o Kataas-taasang Kagalang-galang Katipunan ng mga anak ng bayan na pinamunuan ni Andres Bonifacio. Nakipaglaban ang mga miyembro sa pangkat na ito sa mga Kastila upang makamit ang pangunahing mithiin na makamit ang kalayaan. Gumamit sila ng dahas para maipakita sa mga Kastila na gusto na nating maging malaya at makamit ang kasarinlan.
