GAWAIN SA PAGKATUTO BILANG 2. Panuto: Basahin at unawaing Mabuti ang bawat sitwasyon. Isulat ang tsek (/) sa bawat bilang kung ang isang indibidwal at may legal na pagkamamamayang Pilipino at ekis (x) naman kung hindi. Isulat ang sagot sa sagutang papel. 1. Si Daehyun ay ipinanganak noong Enero 16, 1973 sa South Korea. Ang kanyang ina ay Pilipino at ang kanyang ama ay mamamayan ng Korea. Nang tumuntong siya sa karampatang gulang ay nanumpa siya bilang mamamayang Pilipino. 2. Si Dakila ay ipinanganak sa Bontoc. Purong Igorot ang kanyang ina at purong Ibanag naman ang kanyang ama ngunit sila ay nagsimulang manirahan sa Maynila nang si Dakila ay isang taong gulang pa lamang. 3. Si Beba ay ipinanganak noong Enero 16, 1973. Pilipino ang kanyang ina at banyaga ang kanyang ama. Hindi siya sumumpa bilang mamamayang Pilipino nang siya ay tumuntong sa edad na 21. 4. Si Portia ay ipinanangak sa Pilipinas habang nagbabakasyon dito ang mga magulang niyang parehong Italian. 5. Si Macaraeg ay ipinanganak sa Australia mula sa kanyang banyagang ama at Pilipinong ina. Naging naturalized Australian citizen ang kanyang ina isang buwan matapos ang kapanganakan ni Macaraeg. 6. Si Michael ay isang Australyano. Limang taon siyang namamalagi sa Pilipinas dahil siya ay may business partner na Pilipino rito sa ating bansa. 7. Si Leticia ay ipinanganak noong 1974 sa America. Ang kanyang ama ay isang Amerikano at ang kanyang ina ay Pilipino. Naging naturalized American citizen ang kanyang ina tatlong (3) buwan bago ipinanangak si Leticia. 8. Na si Danica na isang Portuguese sa ganda at kultura ng Pilipinas. Taun-taon, tuwing papalapit ang Pasko, siya ay pumupunta rito sa ating bansa upang magbakasyon. 9. Si G. Makisig at dating kasapi ng Armed Forces of the Philipines (AFP). Tumakas siya kasama ang kanyang pamilya patungo sa ibang bansa nang ang kanyang hukbo ay nahaharap sa isang digmaan. 10. Parehong Pilipino ang mga magulang ni Athena. Si Athena ay sampung taon nang nagtatrabaho bilang doctor sa isang kilalang ospital sa Taiwan kung saan siya ay nakapangasawa ng isang Taiwanese ngunit pinili niyang panatilihin ang kanyang pagkamamamayang Pilipino.